Tenging Ísland við umheiminn
Nútímalegt og öruggt net
Farice rekur nútímalegt net til að anna kröfuhörðum viðskiptavinum sínum sem ekki eru bara íslensk fjarskiptafélög heldur líka erlendir aðilar í gagnaverum landsins. Farice ber í raun meginábyrgðina á því að Ísland sé vel tengt, bæði hvað varðar flutningsgetu og líka hvað varðar uppitíma og öryggi. Með því að nýta nýjustu framfarir í ljósleiðaratækni eins og 100G coherent bylgjur hefur Farie ekki bara byggt upp öflugan grunn heldur líka framlengt líftíma sæstrengja sinna um mörg ár þar sem nýja tæknin eykur afkastagetu þeirra allt að tífalt miðað við upphaflegu hönnun. Afkastageta strengjanna mun duga Farice og þar af leiðandi landsmönnum mörg ár í viðbót, langt fram á næsta áratug. Frá því að strengirnir FARICE-1 (2004) og DANICE (2009) voru lagðir hefur aldrei orðið bilun í sjó sem er einstaklega góð rekstrarsaga. Bilanir í landi koma af og til fyrir en með fjölbreytni landleiða má komast hjá því að umferðatruflanir verða.
Net fyrir kröfur framtíðar
Rekstur netsins
Eigin rekstur í samstarfi við aðra
Helstu samstarfsaðilar Farice eru:
- Míla sem leigir aðgang að flutningsleiðum innanlands, frá landtökustöðvum til þjónustumiðja í Reykjavík og í gagnaverum. Míla rekur einnig vaktborðið (NOC).
Vodafone Carrier Services sem leigir áframsambönd frá landtökustöð í Skotlandi til London
Tele Denmark (TDC) sem leigir aðgang frá landtökustöð í Danmörku til ýmissa endastaða á meginlandi Evrópu.
Opin Kerfi sem eru til aðstoðar við rekstur Internet og MPLS kerfa.
Farice hefur eigin tæknideild sem sér um rekstur kerfisins.
Farice er með sífellt opið 24/7/365 vaktborð NOC (Network Operating Centre) þar sem fylgst er með bilunum og sendar út tilkynningar til viðskiptavina og samstarfsaðila þegar eitthvað bjátar á.
Öryggi netsins
Hannað fyrir háan uppitíma
Heildarnetuppbygging Farice miðast við að þjónusta sé ávallt til reiðu þótt einhverjir leiðarhlutar netsins kunni að vera rofnir. Sérhver sæstrengur er ávallt tengdur með tveim valmöguleikum um landleiðir. Landleiðirnar eru þá aðskildar frá hvor annari. Það er síðan undir viðskiptavinum komið hvaða þjónustu þeir kaupa og hversu hátt öryggisstig er valið. Það er því ekki sjálfgefið að þjónusta sem keypt er hafi landleið til vara ef aðalleið bilar.
Öruggir sæstrengir
FARICE-1 fór í rekstur um haustið 2003 (formlega í janúar 2004) og DANICE haustið 2009. Frá þeim tíma hafa þeir aldrei bilað eða orðið fyrir hnjaski sem stöðvað hefur reksturinn. Þetta er einstaklega góð rekstrarsaga og ekki síst ef borið er saman við fyrri sæstreng Cantat-3 sem átti það til að slitna 1-2 x á ári mestmegnis vegna fiskveiða. ÍRIS strengurinn fór í rekstur 1. mars 2023.
Reglulegt daglegt eftirlit Farice styrkir rekstraröryggið svo sem stöðugt eftirlit um AIS kerfið hjá Landhelgisgæslunni og eins hefur íslenskt lagaumhverfi verið breytt í þá átt að auka vernd um strengina. Nú er skilgreint 1 klm öryggissvæði um strengina þar sem fiskveiðar eru bannaðar en það eykur öryggið gríðarlega. Þegar ákvörðun var tekin um legu strengjanna var fiskveiðiáhættan metin en gott samstarf við útvegsmenn og skipsstjórnendur afar mikilvægt í þessu sambandi. Fiskveiðar eru sögulega séð mesti slitvaldur fjarskiptasæstrengja.
Mynd af neti
Sæstrengir sem liggja að Íslandi og tengingar til Evrópu og Bandaríkjanna (2023)
Myndin hér fyrir ofan sýnir alla sæstrengi frá landinu en sleppir Cantat-3. Cantat-3 er að hluta til í gangi og þjónar eingöngu olíuiðnaðinum.
Heildarnet Farice
Net Farice ásamt afhendingarstöðum
Línumynd af neti með fjarlægðum
Net með fjarlægðum merkt inná. Hraði ljóss í ljósleiðara er 203 km á millisekúndu.
Fleiri myndir af Farice neti
Farice net útvíkkað
Á þessari mynd sjást helstu þjónustustaðir Farice. Farice getur auk þess boðið 10G/100G sambönd mun víðar t.d. um Skandínavíu.
Nokkrar staðreyndir um netið
Afkastageta
Sæstrengir Farice byggja á tækni sem er í grunnatriðum sú sama og nýjustu sæstrengir nýta. Framfarir í endabúnaði þar sem gögnin eru mótuð inn á strengina nýtast sæstrengjum beint þannig að endabúnaður hefur verið og mun verða uppfærður reglulega. Með þessu má framlengja líftíma strengjanna um mörg ár og sem stendur er grunnafkastageta strengjanna miklu meiri en það sem hefur verið virkjað til notkunar.
Ef þróun í notkun heldur áfram sem horfir á eldri strengurinn FARICE-1 að duga vel fram á næsta áratug, þ.e.a.s. vel fram yfir 2024. Þótt nýting strengjanna sé ekki nema 1-2% af fullri er ekki þar með sagt að þeir séu vannýttir eins og gjarnan má heyra í umræðunni. Það kostar mikið að stækka afkastagetuna þar sem efla þarf afkastagetu endabúnaðar fyrir hvert skref sem er 100Gb/s í hvert sinn. Jafnframt þarf að leigja af þriðja aðila sambönd á landi. Allt tal um að Farice á einhvern hátt takmarki bandbreidd á ekki við rök að styðjast.
Á þriðja ársfjórðungi 2015 er Farice að selja um 420 Gb/s í heildina milli Íslands and Evrópu sem dreifist jafnt yfir FARICE-1 og DANICE sæstrengina. Hér fyrir neðan má sjá heildarafkastagetu sæstrengjanna miðað við núverandi getu endabúnaðar. Til að virkja sæstrengina að fullu þarf að fjárfesta í búnaði fyrir marga milljarða króna.
| Sæstrengir | Sala hófst | fjöldi ljósl. para | Upprunaleg afkastageta [Gb/s] | Fræðilegt hámark (2016) [Gb/s] |
| FARICE-1 | 2004 | 2 | 720 | 11.000 (11 Terabits/s) |
| DANICE | 2009 | 4 | 5120 | 36.400 (36,4 Terabits/s) |
Umferðartöf (e. latency)
Umferðartöfin, þ.e.a.s. tíminn sem það tekur gögn að fara frá A til B er hér sýnd í millisekúndum. Umferðartöfin ræðst að mestu af hraða ljóseindar í ljósleiðara sem er um 2/3 af hraða ljósleiðara í lofttæmi. Töf í búnaði er hverfandi lítil en áætluð 1 msek. í heildina. Mælingin miðar við pakka sem eru 64 bæti að stærð. Umferðartöf mælir aðra leið en til samanburðar þá mælir Ping skipun báðar leiðir sem einnig kalla RTT (e. Round Trip Time).
| Sæstrengur notaður Used |
POP A | POP B | Latency [msec]
Main route |
Distance [Km]Main Route |
Distance [Km]Route 2 |
Distance [Km]alt. route km/msec. |
| FARICE-1 | S28 (Reykjavik) | LN1-London Telehouse | 18,4 3) | 3635 | 4022 | 3735 /18,4 5) |
| FARICE-1 | S28 | Amsterdam | 21,7 | 4206 | ||
| FARICE-1 | S28 | LN2-Slough LD6 | 19,5 4) | 3952 | 3822 | 3805 6) |
| DANICE | N15 (BREI) | AM7-Amsterdam | 17,8 | 3416 | 4875 | |
| DANICE | N15 | INTX-Copenhagen | 14,9 | 2823 | 2954 | |
| FARICE-1 | V868 1) | LN1-London Telehouse | 18,5 | 3762 | 4010 | 3830 5) |
| FARICE 1 | V868 | LN2-Slough LD6 | 19,4 4) | 3975 | 4035 | |
| FARICE-1 | V868 | AM7-Amsterdam | 21,8 | 4155 | ||
| DANICE | V868 | CPH-Copenhagen | 15,0 | 2842 | 2935 | |
| DANICE | V868 | AM7-Amsterdam | 17,2 | 3435 | 4856 | |
| DANICE | V868 | HAM-Hamburg | 15,1 | 2869 | ||
| DANICE | V868 | FR5-Frankfurt | 17,5 | |||
| Greenland Connect | V868 | New York | 40,6 | |||
| Greenland Connect | V868 | Halifax | 33,7 | |||
| IRIS | V868 (KEF) | Dublin | 10,5 | |||
| IRIS | V868 | London | 15,0 | |||
| IRIS+AEC-1 | V868 | US/NY/111/8th street | 39,9 | |||
| Gr.Connect+FARICE-1 | Montreal | 60,0 |
1) KEF Airport POP servicing Verne DC, Advania MjölnirICE01 and Etix Everywhere Fitjar
2) The latency figures are based on actual measurements of a 10G LAN_PHY circuit
3) BT – East route
4) BT – West route
5) VCS West route
6) VCS West + TH-E-LD6 extension